Ціханоўская ў Лондане ўручыла медалі ўкраінскаму і люксембургскаму парламентарыям

4 чэрвеня, Позірк. Аб уручэнні ў Лондане Святланай Ціханоўскай медалёў “За плённую працу на карысць Беларусі“ паведаміў “Позірку” дарадца дэмлідара па парламенцкім супрацоўніцтве і канстытуцыйнай рэформе Анатоль Лябедзька.

Паводле яго інфармацыі, узнагароджанне адбылося ў брытанскім парламенце, дзе 4 чэрвеня было арганізавана чацвёртае пасяджэнне альянсу парламенцкіх груп “За дэмакратычную Беларусь“.

Медалёў удастоеныя сустаршыня міжфракцыйнага аб’яднання “За дэмакратычную Беларусь” у Вярхоўнай Радзе Украіны Аляксей Гарчарэнка і парламентарый з Люксембурга Пол Галь, які, у прыватнасці, у чэрвені 2023 года стаў ініцыятарам прыняцця рэзалюцыі Парламенцкай асамблеі Савета Еўропы аб абароне беларусаў у выгнанні.