Долар, еўра і расійскі рубель патаннелі на апошніх біржавых таргах тыдня

5 красавіка, Позірк. Амерыканская, адзіная еўрапейская і расійская валюты патаннелі на таргах Беларускай валютна-фондавай біржы 5 красавіка.

Курс долара знізіўся да 3,2544 рубля (-0,0003, -0,01%), еўра — да 3,526 (-0,0052, -0,15%), расійскага рубля — да 3,5185 за 100 (-0,0011, -0,03%).

Юань падаражэў да 4,4814 рубля за 10 (+0,0025, +0,06%).

На адыходзячым працоўным тыдні (1–5 красавіка) курс долара вырас на 0,06% (з 3,2523 да 3,2544), юаня — на 0,5% (з 4,4589 да 4,4814 за 10), расійскага рубля — на 0,03% (з 3,5174 да 3,5185 за 100), еўра — на 0,46% (з 3,5097 да 3,526).

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца); у сакавіку — вырас на 0,33% (да 3,2498) — пятае месца, за тры месяцы — на 2,28% (трэцяе).

За 2023 год яго каціроўка павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).