Тайвань абмяжоўвае экспарт нітрацэлюлозы ў Беларусь і РФ

6 чэрвеня, Позірк. Міністэрства эканомікі Тайваня абмежавала экспарт нітрацэлюлозы ў Беларусь і Расію.

Прэс-служба ведамства 6 чэрвеня паведаміла, што рашэнне дапоўніць спіс кантраляваных тавараў прынятае 30 траўня, а “новая палітыка кантролю афіцыйна набудзе моц 14 чэрвеня 2024 года”.

Паведамляецца, што “кантроль неабходны для прадухілення пралазы ў рэгуляванні”, паколькі нитроцеллюлоза — важны кампанент бяздымнага пораху і выбухоўкі — “ужо трапіла пад рэгуляванне ЗША і ЕС”.

8 лютага Мінэканомікі Тайваня абмежавала пастаўку 77 відаў станкоў у Беларусь і РФ. Рашэнне, якое набыло моц 8 сакавіка, аргументаванае тым, што ў гэтага абсталявання шырокі спектр выкарыстання, у тым ліку ў вайсковай сферы.

Эканамічнае ведамства рэкамендавала вытворцам разарваць сувязі з адпаведнымі беларускімі і расійскімі пакупнікамі.

25 студзеня Тайвань пашырыў пералік абмежаванняў на экспарт у Беларусь і РФ 45 таварнымі пазіцыямі.

На фоне выбараў прэзідэнта Тайваня Міністэрства замежных спраў Беларусі 13 студзеня заявіла, што Мінск “цвёрда падтрымлівае” прынцып “аднаго Кітая”, які з’яўляецца “залогам стабільнасці і ўстойлівага развіцця ўсяго рэгіёну”.