Польская паліцыя затрымала беларуса Яна Маркава — арганізатара мітынгу да гадавіны выбараў-2020 ва Уроцлаве
9 жніўня, Позірк. Пра затрыманне ва Уроцлаве беларуса Яна Маркава паведаміў на сваёй старонцы ў “Фэйсбуку” грамадскі актывіст Віталь Гуляк.
Маркава ён назваў арганізатарам мітынгу ва Уроцлаве, прымеркаванага да гадавіны прэзідэнцкіх выбараў 2020 года.
Паводле слоў Гуляка, паліцэйскія звезлі Маркава на аўтамабілі.
Прычыны невядомыя.
Мерапрыемства пры гэтым спынена не было.
Маркаў — актывіст беларускай дыяспары ва Уроцлаве, прадстаўнік ініцыятыў “Беларускае аб’яднанне салідарнасці”, “Суполка беларусаў Уроцлава”.
Масавыя акцыі да гадавіны прэзідэнцкіх выбараў 2020 года праходзяць 9 жніўня ў розных краінах, у прыватнасці, у буйных гарадах Польшчы. На вечар запланаваны мітынг у Варшаве з удзелам прадстаўнікоў дэмакратычных сіл.
