Ціханоўская заклікала генеральнага сакратара ААН Гутэрыша ўмяшацца ў сітуацыю з палітвязнямі ў Беларусі (дапоўнена)
8 сакавіка, Позірк. Умяшацца ў сітуацыю з палітвязнямі ў Беларусі заклікала 8 сакавіка генеральнага сакратара ААН Антоніу Гутэрыша дэмакратычны лідар Святлана Ціханоўская.
Заклік прагучаў каля амбасады Беларусі ў Вільнюсе на сустрэчы з журналістамі, прысвечанай рэжыму “інкамунікада”, у якім улады ў Мінску ўтрымліваюць многіх палітвязняў.
Палітык адзначыла, што ўжо год нічога не ведае пра свайго мужа відэаблогера, грамадскага і палітычнага дзеяча Сяргея Ціханоўскага. Паводле яе слоў, ад яго няма ні лістоў, ні званкоў, з ім не сустракаюцца адвакаты. “Толькі ананімныя лісты, што ён нібыта памёр, і адно тое відэа, дзе я ледзь яго пазнала”, — сказала Ціханоўская.
“Год, як мы нічога не чулі пра Віктара Бабарыку, Марыю Калеснікаву, Максіма Знака, Ігара Лосіка і многіх іншых палітвязняў, — нагадала яна. — “Інкамунікада” — гэта спосаб катаванняў. І гэта катаванне не толькі для палітвязняў, але і для іх сем’яў, якія жывуць у поўнай невядомасці і страху, што можа адбыцца самае горшае. Рэжым [Аляксандра] Лукашэнкі ўжо забіў пяць беларускіх палітвязняў — Ігара Ледніка, Вадзіма Храсько, Вітольда Ашурка, Алеся Пушкіна, Мікалая Клімовіча — і працягвае забіваць іншых. Турма — гэта павольная смерць. А смерць у няволі — гэта страшная смерць”.
Паводле слоў дэмлідара, забойства расійскага апазіцыянера Аляксея Навальнага ў зняволенні ў РФ “павінна было б страсянуць міжнародную супольнасць, заахвоціць да дзеянняў”, але пакуль чутныя ў асноўным “толькі словы асуджэння і заклапочанасці”.
“Мы павінны не дапусціць новых ахвяр, павінны спыніць катаванні людзей у турмах, — сказала Ціханоўская. — Сёння я звяртаюся да генеральнага сакратара ААН Антонія Гутэрыша. Умяшайцеся! Патрабуйце спыніць зверскую палітыку “інкамунікада” ў беларускіх вузілішчах. У вашых сілах выратаваць жыцці людзей. І гэта не палітычнае пытанне, гэта пытанне гуманітарнае. Палітвязням павінен быць забяспечаны доступ да кваліфікаванай медыцынскай дапамогі, сувязь з адвакатамі і сем’ямі”.
Палітык заклікала ўрады дзяржаў свету зрабіць пытанне палітвязняў у Беларусі сваім прыярытэтам. Яна папрасіла іх патрабаваць “выканання запыту Камітэта ААН па правах чалавека да рэжыму аб тэрміновых мерах па справах Віктара Бабарыкі, Максіма Знака і Сяргея Ціханоўскага”, выставіць ультыматум Лукашэнку “з патрабаваннем паказаць палітвязняў, якіх трымаюць “інкамунікада”, і вызваліць іх з турмаў”.
“Я заклікаю дэпутатаў парламента з усяго свету браць патранаж над беларускімі палітвязнямі. Будзьце іх голасам і іх адвакатамі на міжнароднай арэне. Я ўдзячная 400 літоўскім і іншым замежным палітыкам, якія ўжо зрабілі гэта. Але палітвязняў тысячы. Сёння мы павінны быць рашучымі і салідарнымі. Рэжым павінен чуць, што мы не спынімся, пакуль усе не будуць вольныя”, — падсумавала Ціханоўская.
КПЧ ААН патрабуе "тэрміновых мер абароны" для Ціханоўскага, Знака і Бабарыкі
МЗС фактычна адрынуў заклік дэмакратычных краінаў вызваліць палітвязняў
- ПалітыкаУ Беларусь было дэпартавана звыш 3,5 тыс. украінскіх дзяцей з больш чым 20 акупаваных населеных пунктаў — ЛатушкаМатэрыял даступны толькі падпісчыкам ПОЗІРК+
- Палітыка, Эканоміка
Кітай прадаставіць Беларусі 300 млн юаняў для рэалізацыі ўзгодненых праектаў
- Грамадства
Надзвычайная пажарная небяспека ў Гомельскай і Магілёўскай абласцях падоўжана на 20–22 верасня
- ПалітыкаХроніка палітычных рэпрэсій за 19 верасня 2024 годаМатэрыял даступны толькі падпісчыкам ПОЗІРК+
Асуджаны за "спробу захопу ўлады" Юрый Зянковіч звярнуўся да Лукашэнкі з просьбай аб памілаванні
- Палітыка
У Пінску за “ўдзел у пратэстах” будуць судзіць журналіста Яўгена Мікалаевіча
- ПалітыкаКачанава запрасіла ў Беларусь кіраўніцтва УгандыМатэрыял даступны толькі падпісчыкам ПОЗІРК+
- Палітыка
На волю выйшла палітзняволеная Вольга Залатар
- Палітыка
У Савеце Еўропы заклікалі Грузію перагледзець забарону на ўезд беларускаму журналісту Андрэю Мялешку
Сілавікі правялі масавыя затрыманні ў Глыбокім і Століне
- Грамадства, ПалітыкаКраіны ЕС фіксуюць амаль на 40% больш спробаў нелегальнай міграцыі з беларускай тэрыторыі, чым у жніўніМатэрыял даступны толькі падпісчыкам ПОЗІРК+
- Палітыка
Ціханоўская: Дапамога рэпрэсаваным не замяняе працу па вызваленні палітвязняў
- ПалітыкаЦіханоўская: Дапамога рэпрэсаваным не замяняе працу па вызваленні палітвязняў (падрабязна)Матэрыял даступны толькі падпісчыкам ПОЗІРК+
- ЭканомікаНа фоне імкнення ўладаў скараціць імпарт памідораў у міжсезонне іх ураджайнасць у цяпліцах знізіласяМатэрыял даступны толькі падпісчыкам ПОЗІРК+
- Палітыка
Лукашэнка праз 13 гадоў зноў назваў "паняццямі" міжнародныя стандарты правядзення выбараў
- ЭканомікаЗнешняя крэдыторская запазычанасць арганізацый за 12 месяцаў вырасла на 22,6% — БелстатМатэрыял даступны толькі падпісчыкам ПОЗІРК+
- ЭканомікаНацбанк другі месяц не мяняе разліковыя велічыні стандартнай рызыкіМатэрыял даступны толькі падпісчыкам ПОЗІРК+
- Палітыка
Лукашэнка прызнаў, што ў Беларусь прывозяць дзяцей з "днр", за што яго "ледзь не зацягнулі ў суд"
- Грамадства
У жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў
- Палітыка
Еўрапарламент заклікаў ЕС пашырыць санкцыі і працаваць над прыцягненнем рэжыму Лукашэнкі да адказнасці
- ПалітыкаВячорка: Еўрапарламент даў моцны сігнал Лукашэнку, што свет не забываецца на палітвязняўМатэрыял даступны толькі падпісчыкам ПОЗІРК+
- ЭканомікаБудаўніцтва жылля з дзяржпадтрымкай для тых, хто мае патрэбу, скарацілася на 22,6%Матэрыял даступны толькі падпісчыкам ПОЗІРК+
- ЭканомікаДолар і юань падаражэлі на біржавых таргах 19 верасняМатэрыял даступны толькі падпісчыкам ПОЗІРК+
- Палітыка
Еўрапарламент прыняў рэзалюцыю аб становішчы палітвязняў у Беларусі
- Палітыка
Ціханоўская намінуе на пасаду прадстаўніка АПК па сацыяльнай палітыцы Вольгу Зазулінскую
- ГрамадстваУ жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Ціханоўская: Бел-чырвона-белы сцяг ізноў будзе лунаць над нашай краінай як сімвал вольнай Беларусі
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+