Праваабаронцы прызналі палітвязнямі яшчэ сем чалавек, усяго іх у Беларусі 1.406
28 сакавіка, Позірк. Праваабаронцы прызналі палітвязнямі яшчэ сем чалавек, усяго іх у Беларусі 1.406, паведамляе праваабарончы цэнтр “Вясна”.
У спіс палітвязняў уключаныя: асуджаны паводле арт. 3611 Крымінальнага кодэкса (стварэнне экстрэмісцкага фарміравання альбо ўдзел у ім) і 2901 КК (фінансаванне тэрарыстычнай дзейнасці) Алег Дзегцярэнка; узятыя пад варту Аляксандр Марчанка — арт. 3611; Наталля Гаўрон, Алена Тоцкая, Алёна Дземянчук, Алеся Сяргеенка, Юлія Краўцова — арт. 3612 КК (фінансаванне экстрэмісцкай дзейнасці).
Праваабаронцы патрабуюць неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.
Адпаведную заяву, акрамя “Вясны”, падпісалі Lawtrend, Human Constanta, Беларускі дом правоў чалавека імя Барыса Звозскава, Беларускі Хельсінкскі камітэт; Беларуская асацыяцыя журналістаў.
