29 сакавіка, Позірк. У спіс “экстрэмістаў” дададзена яшчэ 18 чалавек — зараз у ім 3.932 прозвішчы, паведамляе праваабарончы цэнтр “Вясна”.
Пералік папоўнілі палітвязні былы вайсковец 32-гадовы Павел Кучынскі (асуджаны паводле васьмі артыкулаў КК), 31-гадовы Чэслаў Канановіч (асуджаны паводле арт. 3613 КК — удзел або падрыхтоўка да ўдзелу на тэрыторыі замежнай дзяржавы ў ваенных дзеяннях без упаўнаважання дзяржавы), 51- летняя Надзея Лапцёнак (пяць артыкулаў КК).
Фінансавыя аперацыі асоб, уключаных у “спіс экстрэмістаў”, кантралююцца “з мэтай прадухілення легалізацыі даходаў, атрыманых злачынным шляхам, і фінансавання экстрэмісцкай дзейнасці”.
Цягам пяці гадоў пасля выканання судовых рашэнняў людзі з гэтага пераліку не могуць займацца педагагічнай і выдавецкай дзейнасцю, быць на дзяржслужбе, карыстацца зброяй.
