МЗС рэкамендавала беларусам у Катары часова не пакідаць месцы знаходжання

23 чэрвеня, Позірк. Часова не пакідаць месца свайго знаходжання і выконваць указанні ўладаў рэкамендаваў МЗС Беларусі суайчыннікам, якія знаходзяцца ў Катары.

Адзначаецца, што ведамства сочыць за становішчам у Катары, прыводзіцца тэлефон беларускай амбасады для экстранай сувязі.

Рэкамендацыя звязаная з запускам з Ірана ракет у напрамку амерыканскай вайсковай базы ў Катары ў адказ на ўдар ЗША па іранскіх ядзерных базах 22 чэрвеня. Іранскі ўдар быў адбіты, пацярпелых няма.