Палітвязнямі прызнана яшчэ восем чалавек

16 лютага, Позірк. Праваабарончая супольнасць 16 лютага прызнала палітычнымі зняволенымі яшчэ восем чалавек, вынікае з сумеснай заявы на сайце цэнтра “Вясна”.

У спіс уключаныя ўзятыя пад варту і прыгавораныя да пазбаўлення волі паводле арт. 361⁴ КК Дзмітрый Барсукоў, Ігар Губарэвіч, Павел Вахлакоў, Віталь Новікаў, Аляксандр Сульжыц, Сяргей Лагвіновіч, Віталь Кушнярэвіч, Аляксандр Хазееў (апошні таксама абвінавачваўся паводле арт. 361, 367, 368).

Праваабаронцы патрабуюць неадкладна вызваліць усіх палітвязняў і спыніць палітычныя рэпрэсіі.

Апрача “Вясны” заяву падпісалі Беларускі ПЭН, Беларускі дом правоў чалавека імя Барыса Звозскава, Беларуская асацыяцыя журналістаў, Беларускі Хельсінкскі Камітэт, “Прававая ініцыятыва”, Lawtrend.

У спісе “Вясны” на гэты момант фігуруе 1.150 палітвязняў.

Даведка “Позірку”:

• арт. 361 — заклікі да мер абмежавальнага характару (санкцый), іншых дзеянняў, скіраваных на нанясенне шкоды нацыянальнай бяспецы Беларусі;
• арт. 361⁴ — садзейнічанне экстрэмісцкай дзейнасці;
• арт. 367 — паклёп у дачыненні да прэзідэнта, у тым таго, што спыніў выкананне сваіх паўнамоцтваў;
• арт. 368 — абраза прэзідэнта, у тым таго, што спыніў выкананне сваіх паўнамоцтваў.