Хрэнін: Новая метадалогія ацэнкі ваеннай бяспекі звязаная з пытаннямі палітыкі і эканомікі
18 чэрвеня, Позірк. Міністэрства абароны выпрацавала “цалкам новую” метадалогію ацэнкі ваеннай бяспекі, якая носіць “аб’ектыўны, комплексны і своечасовы характар”, а таксама ўзаемазвязаная з пытаннямі палітыкі і эканомікі, заявіў кіраўнік ваеннага ведамства Віктар Хрэнін 18 чэрвеня па выніках пасяджэння Савета бяспекі.
Паводле слоў чыноўніка, якія прыводзіць прэс-служба міністэрства, “сённяшнія змены ў геапалітычнай абстаноўцы, узніклыя новыя выклікі ваеннай бяспекі вымушаюць” беларускія ўлады “перагледзець цалкам метадалогію падыходу да ацэнкі ваеннай бяспекі”.
Гэтую метадалогію, адзначыў Хрэнін, прапанавалі Аляксандру Лукашэнку на пасяджэнні Савета бяспекі, той “пагадзіўся, што трэба яе рэалізоўваць”.
У сваю чаргу дзяржаўны сакратар Савета бяспекі Аляксандр Вальфовіч заявіў, што з’явіліся новыя крытэрыі ацэнкі рызык у сферы палітычнай бяспекі. Засталося, “як і было раней, пяць індыкатараў”, аднак акрамя іх “маецца звыш 25 крытэрыяў, якія сёння даюць больш рэальную карціну”, сказаў чыноўнік.
“Напрыклад, з’явіліся працэнтныя суадносіны паводле такіх крытэрыяў, як давер насельніцтва да кіраўніка дзяржавы, давер да органаў улады і іншых інстытутаў дзяржкіравання”, — патлумачыў Вальфовіч.
Дзяржсакратар Савета бяспекі дадаў, што пастаянна аналізуецца не толькі сітуацыя ўнутры Беларусі: “[Улічваюцца таксама] крытэрыі ацэнкі знешнепалітычнай сітуацыі (тое, што адбываецца за мяжой, і тыя пагрозы, якія фармуюцца адносна нашай краіны) у палітычнай сферы далей за мяжу”.
На пасяджэнні Савета бяспекі Лукашэнка ў чарговы раз заявіў, што Беларусь нікому ніколі не пагражала
18 чэрвеня, Позірк. Праект дакумента, звязанага з пытаннямі ацэнкі стану нацыянальнай бяспекі, разглядаўся 18 чэрвеня ў Мінску на пасяджэнні Савета бяспекі, сабраным Аляксандрам Лукашэнкам. Паводле інфармацыі яго прэс-службы, пасяджэнне праводзілася ў развіццё прынятай на Усебеларускім народным сходзе новай Канцэпцыі нацыянальнай бяспекі. “Канцэпцыя …
